Vuls ti as participar al fanfaluca 11 dals 10 fin ils 15 da settember?
Tut las infurmaziuns per las differentas annunzias chattais vus qua:
Gruppa da program 2024
fanfaluca è ina plattafurma naziunala per l'art scenic da persunas giuvnas. Cun in program da sis dis preschenta il festival las modas da lavurar e da represchentaziun multifaras e serva sco lieu da barat e d'inscunter per giuvenils da tut las parts da la Svizra.
La gruppa da program sa cumpona da persunas cun differenta savida d'expert:as: da giuvenils cun interess e/u experientscha en il sectur da saut e teater e dad expert:as professiunal:as da l'art scenic.
La gruppa da program examinescha dal schaner fin il matg 2024 las annunzias entradas, contactescha ed infurmescha activamain gruppas novas e gruppas enconuschentas per las render attentas al festival. La collavuraziun a la gruppa da program cumpiglia visitas singulas u communablas da provas e da represchentaziuns, sesidas per emprender d'enconuscher in l'auter, discussiuns davart las represchentaziuns visitadas e la selecziun finala.
Questas incumbensas vegnan sa chapescha indemnisadas a moda commensurada ed eguala per tut las persunas participadas.