commovì – breathless Dance Company ONE, ZH

A basa d’ina lavur teoretica davart il tema «Flad en il saut» han las duas sautunzas elavurà cun fermas improvisaziuns da task modernas in toc davart la mancanza da flad en in mund che sa mida adina pli spert. Las frasas coreografadas preschentan corporalitads da social dances (p.ex. house) e furmas classicas dal saut scenic europeic. Muments da partnering svelts, parts da slowmotion ch’augmentan la tensiun ed elements da solo caracteriseschan il toc sco furma chapibla per render accessibla la metodica d’improvisaziun sin tribuna ad in public pli giuven. Ma el envida er in public pli vegl tant da tegnair il flad sco era da respirar profundamain.

La saira tematica commovì preschenta il mund multifar dal moviment, dal corp e da l'expressiun. Pablo Conca da la gruppa da program maina il public tras quatter tocs curts.