commovì - trifft! Kumpane Black Box, SH

Il toc da saut trifft! tracta pliras modas d’inscunters, planisads e nunprevis, legraivels ed engrevgiants, il contact fisic tranter umans, però era l’inscunter cun sasez:za. Vitiers vegn la dumonda: Co sa mida la percepziun da l’agen corp en la midada da cler e stgir? Co transfurma la stgiradetgna la percepziun da sentupadas? Pertge hai jau (sco dunna giuvna) en il stgir tuttenina tema da la via a chasa? In sentiment che las nov sautunzas enconuschan pli che bain. E gist quai è la finamira da la cumpagnia da saut novfundada Kumpane Black Box: preschentar sin tribuna quai che occupa umans giuvens. Per la coreografa Tina Beyeler na vai betg per la perfecziun – tant pli vulan ella e l’ensemble rumper la distanza tranter ellas ed il public. Las aspectaturas ed ils aspectaturs duain pensar «cun mai vai gist tuttina» empè da «quai na savess jau mai far». Las sautunzas involvan il public en in si e giu dals sentiments e creeschan cun lur saut in’atmosfera collianta.

La saira tematica commovì preschenta il mund multifar dal moviment, dal corp e da l'expressiun. Pablo Conca da la gruppa da program maina il public tras quatter tocs curts.