«Zoo Story» Compagnie des Longues Fourchettes (FR)
Lingua:
franzos
Durada:
60 miunutas
lieu d’occurrenza:
Alte Reithalle, Bühne West
Teater en in act en franzo
Peter, in emploià d’ina chasa editura, legia cumadaivlamain en in chantun dal Central Park, cura che Jerry al pledenta. Jerry s’impona ed insista da raquintar ad el da ses di sco giuven bohemien a l’ur da la societad. Peter taidla pazientamain l’istorgia da Jerry, ma il tun tranter ils dus umens vegn pli murdent, cura che Jerry insista che Peter al surlaschia ses banc …
Suenter la represchentaziun ha lieu «nachgefragt»*.
gieu: Julien Mossu (Jerry), Bryan Oberson (Peter), reschia, dramaturgia: Alain Grand, translaziun: Mathieu Galey, equipament: Linda Guenin, tecnica: Thomas Roulin, mascra: Marie-Luz Garcia, fotografia: Hector Sudan, grafica: Lucien Roussy, direcziun da producziun: Collège du Sud, Compagnie des Longues Fourchettes
Ponderaziuns da la gruppa da program
«Zoo Story» dad Edward Albee è in toc en in act intensiv che descriva l’inscunter da Peter, in collavuratur bainstant d’ina chasa editura, e Jerry, in um solitari e disturbà, en in parc a New York. Il toc explorescha temas profunds sco l’isolaziun, la solitariadad e la tschertga da colliaziun umana. A maun da dialogs perspicazis e d’ina profunditad emoziunala mussa Albee las tensiuns tranter differentas gruppas socialas ed il desideri desperà d’approximitad e chapientscha. L’acziun culminescha en in climax dramatic che dilucidescha a moda impressiunanta las dumondas existenzialas da la vita umana.
«Les longues fourchettes» da Friburg persvadan cun in ferm gieu e dattan la pussaivladad ad in public giuven da sa confruntar cun dumondas davart isolaziun e solitariadad. Plinavant figurescha la tschertga d’identitad e da senn sin il nivel individual ed i vegnan reveladas differenzas da classas e provocadas dumondas criticas areguard la giustia sociala ed ils agens privilegis. L’inscenaziun na sa scumbiglia betg en discussiuns teoreticas, mabain captivescha il public cun sia cumparsa intensiva ed emoziunala. Grazia a sia simpladad resta ella però bain enclegentaivla. Uschia pledentan ils dus acturs da tribuna ina vasta paletta da cumplexs interrogativs che vegnan elavurads sin nivel scenografic a moda simpla e fina. Il resultat è in concept general cumplain ch’emprova da commover sin las pli differentas modas, uschia ch’el è interessent era per persunas main famigliaras cun la lingua franzosa.
Descripziun da la gruppa
La gruppa è vegnida fundada il 2001 sut quest num remartgabel che n’ha da far nagut cun in’anecdota. Lezza giada n’avess ella betg pensà da scuntrar talmain blers giuvens talents al Collège du Sud.
La gruppa è ina reuniun da conscolar:as ed anteriur:as conscolar:as che han chattà in l’auter grazia a lur passiun per il teater. Dapi la fundaziun è la gruppa da teater s’associada cun l’Association Fribourgeoise de Théâtre Amateur e cun la Fédération Suisse des Sociétés Théâtrales d’Amateurs. Ella ha participà als Rencontres médiévales de Fribourg, a las Ecolades a La Chaux-de-Fonds ed als Rencontres théâtrales de Bulle.
*«nachgefragt» è ina purschida d’intermediaziun da fanfaluca. Gist suenter l’inscenaziun s’inscuntran las acturas ed ils acturs ed il public en il lieu da represchentaziun per far dumondas, dar resuns u far cumpliments. Il format dura mo 15 minutas e duai animar da sa barattar era suenter l’inscenaziun davart quai ch’è capità.
Vulais Vus visitar la represchentaziun cun ina classa da scola u cun ina gruppa pli gronda? Duvrais Vus agid per tscherner il program? U avessas Vus gugent ina purschida d’intermediaziun per la represchentaziun? Lura As annunziai gugent tar nus via e-mail: info@fanfaluca.ch