Amitié – Ein Stück über Freundschaft Theatergruppe der Kantonsschule Küsnacht, ZH

Cun Amitié preschenta la gruppa da teater da la scola chantunala da Küsnacht in toc spezial davart l’amicizia. Ina gruppa da giuvenils ha il ritual dad ir mintga stad a campar in’emna. Betg tut las giuvnas e tut ils giuvens s’enconuschan tuttina bain, intgin:as èn ami:as gia dapi l’uffanza, aut:ras vegnan spontanamain a campar sco +1. Ussa passentan tuttas e tuts in’emna communabla ed il public po persequitar co che umans s’avischinan in a l’auter e co che autras relaziuns van plitost dapart. Tge capita, sch’ils amis u las amias d’ina friend group s’allontaneschan in:a da l’aut:ra? Succeda quai pass per pass u cun in grond sfratgass? Ha quest process inevitabel eventualmain er insatge bun e deliberant? Las aspectaturas ed ils aspectaturs spetga in barbugl tematic areguard l’amicizia, l’appartegnientscha ad ina gruppa, l’adolescenza, il cumià ed in nov cumenzament. Ils dialogs paran da derivar directamain dal mintgadi da las acturas e dals acturs. La lingua autentica ed il grond plaschair da giugar da la gruppa demussan la relevanza da las scenas. Amitié è in toc davart l’amicizia. Sias fermezzas, sia fragilitad, tge ch’è caracteristic per ella e nua ch’ella ans po purtar.