commovì – From Time To Time Namotion Dance, AG

Il toc curt parta da la supposiziun ch’il passà ed il futur sajan illusiuns. La coreografia en quest duo da saut lascha inscuntrar dus corps sautants en in spazi da temp. Sco exempel d’ina coreografia classic-contemporana introducescha el il public en paucas minutas en concepts coreografics moderns. Las sautunzas sa movan ina giada svelt ed exact, ina giada plaun ed a moda fluida e lavuran sco rodas dentadas chavistradas ina en l’autra – il temp na passa però betg. Per crear quest’atmosfera repetan ellas passaschas da saut, las transfereschan, transfurman en il spazi e las cumponan da nov.

La gruppa da program ha decis d’integrar en il program era producziuns da saut professiunalas per pudair preschentar al public sco er a las autras gruppas envidadas perspectivas e modas da lavurar da giuvnas artistas e giuvens artists en emprimas lavurs al cumenzament da lur carriera.

La saira tematica commovì preschenta il mund multifar dal moviment, dal corp e da l'expressiun. Pablo Conca da la gruppa da program maina il public tras quatter tocs curts.