Sono io la mano, la piuma, el tronco Zoe Notartomaso, TI

Cun il curt teater solo e toc da moviment Sono io la mano, la piuma, el tronco vegn enritgì il program cun ina producziun da lingua taliana. Il toc sa basa sin in text original enconuschent, va cun sia inscenaziun dentant a prà bain cun la transfurmaziun d’uffants mirveglius a giuvenils desperads che vegnan confruntads cun in mund sfigurà da crisas e che resentan perquai la dolur existenziala. Zoe Notartomaso interpretescha cun agens texts, cun poesias da la poetessa Mariangela Gualteri e cun parts dal text original dad Italo Calvino in di ordinari dal „barone rampante“, il barun sin las plantas. L’absolventa da l’Accademia Dimitri persunifitgescha il giuven Cosimo che siemia da l’utopia d’ina societad paschaivla sin las plantas. Tras ina metamorfosa confrunta l’actura il public cun in’autra lingua da moviment. L’actualitad tematica, la lingua dal text e las ragischs tematicas en in roman existent han intimà la gruppa da program d’envidar il toc al festival.