Dieta da spezialistas e da spezialists 2014 - 2016

Teatristas e teatrists professiunals, studentas e students da teater e persunas d'instrucziun èn s'inscuntrads en il rom dal festival ad ina dieta da spezialistas e spezialists. En il rom da quella hai dà mintg'onn ina publicaziun uffiziala cun annunzia. Dus dis han ins fatg emprovas sin fundament d'exempels pratics en connex cun in tema tschernì e collià quellas cun ina visita cuminaivla da las represchentaziuns da la saira. Quai è stada ina basa per analisar ed exercitar differentas modas da feedback e da reflexiun. Uschia han las participantas ed ils participants pudì confruntar la teoria cun la pratica a maun d'exempels concrets e transferir las experientschas e las enconuschientschas sin la pratica da la pedagogia da teater.