Draussen TGG/GTG/JTG - Junges Theater Graubünden

«Sche jau pens da sortir da mia vita actuala, da far tut insatge auter, pens jau vi dal sistem, vi d'ina norma, vi d'insatge ch'è dà avant, vi da reglas, e sche jau guntgesch las reglas, rump las reglas, rump las normas, ma liberesch da las normas, sche jau ma liberesch dal sistem, da quest sistem stabel, fix, lura na vi jau betg esser tuttina sco ils auters, jau vi esser mamezza, e sche jau na ma cunfatsch betg cun quest sistem … lura na vi jau betg quest sistem.»

L'entschatta dals onns 2000: ina dunna giuvna cun success vul bandunar sia vita superfiziala. Ella decida da durmir in entir onn cun agid d'in coctail da medicaments e participescha a la vita mo pli da temp en temp en in stadi da mez sien.

L'onn 1845 va in um giuven da buna famiglia a star en ils guauds da Massachusetts. En ina chamona da travs construida sez viva el dus onns a la lunga ina vita ordvart simpla en accord cun la natira.  

11 perform:ras tranter 16 e 24 onns sa mettan sin ils chaltgogns da la sortidra e dal sortider. Els fan dumondas davart lur motivs da pruvar ora furmas da viver radicalmain novas e collian quels cun lur fantasias e patratgs da sortir. Ils puncts da partenza per l'autoexperiment sin tribuna furman il tom d'essais «Walden» (1854) ed il roman «Mein Jahr der Ruhe und Entspannung» (2019).