In'avertura per la 10avla giada DISCURRER in cun l'auter

Lingua:
--
Durada:
75 Minutas
lieu d’occurrenza:
Alte Reithalle, Aarau
Il festival fanfaluca n'è betg mo ina plattafurma per l'art teatral da giuvenils e giuvens creschids tranter 16 e 26 onns. Era l'inscunter ed il barat èn dapi l'entschatta ina part impurtanta dal festival. Cun la dumonda "Co pudess e duess il festival fanfaluca sa sviluppar ils proxims 10 onns?" avra l'ediziun da giubileum mardi, ils 12 da settember a las 18.30 sias portas.
Giasts e participant*as da l’ediziun da quest onn partan lur regurdientschas ed experientschas, ma dattan surtut er in’egliada en il futur: Tge spetgas, potenzials e visiuns han els per fanfaluca? Questa saira da discussiun è l’emprima occurrenza en il rom dal lavuratori davart il futur che accumpogna il festival.
Cun
Ann-Marie Arioli
dramaturga, curatura, a partir dal 2024 manadra artistica da la Bühne Aarau
Lorena Cipriano
artista da performance, designra da grafica, curatura, dapi il 2018 da la partida tar fanfaluca en divers secturs
Beatrice Goetz
coreografa e reschissura independenta, presidenta da la cumissiun speziala da teater e saut da l’Aargauer Kuratorium
Suzanne Marclay-Merz
advocata, commembra dal cussegl administrativ, dapi il 2018 cussegliera da la citad dad Aarau, ressort cultura
Joan Mompart
actur, reschissur, dapi il 2021 intendant dal Theatre Am Stram Gram, Genevra
Emma Monachesi
assistenta da reschia, actura dal momoll Theater Schaffhausen, gruppa da program fanfaluca 2023
Myriam Schleiss
Uffizi federal da cultura, secziun cultura e societad, participaziun culturala
e tut ils giasts.
L’avertura vegn accumpagnada artisticamain da curtas preschentaziuns dals tocs envidads.