KIPPEN Heavy Weight Pieces, ZH

In triangul ballantschant d’atschal vegn fatg ir enturn l’atgna axa, in rom miserabelet ballantscha. Noss emprims pass sin tribuna fan balluccar adina pli fitg il mund fragil dal collectiv da circus Heavy Weight Pieces. Mintga sutga che chatta la via da la pluna pendenta giun plaun e che serva ad insatgi per seser, porta midaments sin omaduas varts. Cura ch’in satg zinslas sa svida lura anc sin il palantschieu, para l’equiliber da fruntar definitivamain a ses cunfins. Il spazi, ils objects, l’artista ed ils dus artists ans raquintan a moda subtila da responsabladad, equiliber, causa ed effect. Co duain nus ans cuntegnair, sch’il punct da cupitga en noss ecosistem vegn adina pli datiers? Tge capita, cura che las resursas restrenschidas èn duvradas si? Pudain nus chattar in equiliber tranter noss agir e las consequenzas per l’ecosistem? Cun maletgs subtils na chatta il collectiv naginas respostas definitivas, ma intimescha il public tant pli da sa far patratgs. Ina paraula da circus scorta che na dovra nagins pleds.