Palco Aperto! La tribuna tutga a vus!

La tribuna tutga a vus! Mussai cun tge che vus vulais divertir, surprender, provocar e/u irritar il public – saja quai cun in'improvisaziun, in agen text, ina chanzun u in minidrama, cun ina coreografia u in toc instrumental. Tut las linguas, tut las disciplinas artisticas e tut ils corps èn bainvegnids.

Annunzias al lieu. Senza in temp minimal, ma cun in temp maximal da 15 minutas, per che tuttas e tuts hajan ina schanza da sa mussar.