POV: junges theater basel, BS

«Hallo ensemen, bel che vus essas qua! POV: n'è betg ina saira da teater classica, mabain ina maschaida da film en directa e game. En il decurs da la saira datti in pèr muments, nua che vus pudais decider co ch'i va vinavant.»

Cun quests pleds beneventa Adi las visitadras ed ils visitaders. Els èn envidads da parter cun el e cun Ying l'inquietezza davart la scumparsa da lur ami Elio. Ying va en l'abitaziun dad Elio per chattar ora, nua ch'el pudess esser. Per videocall è ella colliada cun Adi – e cun il public en il teater. Il gir da Ying tras l'abitaziun dad Elio irritescha il maletg ch'ella s'ha fatg dad el. Igl è in pau sco navigar en l'internet. Adina puspè s'avra insatge nov. Curiusitads sa chattan ina sper l'autra ed igl è grev da decider tge fastiz suandar.

«La tecnica che pussibilitescha la saira da teater interactiva è cumplexa, ma resta per gronda part zuppada a las visitadras ed als visitaders. Uschia pon ins s'approfundar cumplainamain en l'eveniment. La dumonda co che quai funcziuna tut resta nunrespundida, sco il tric d'in bun magi.» (BAZ, 28-4-2022)