so nah und doch so weit Freifach Theater, Kantonsschule Alpenquai, LU

Las acturas ed ils acturs raquintan cun ina lingua directa e commuventanta d’in um pli vegl che viva visavi e che mora forsa bainprest, da l’esser sulet:ta e d’amicizias che pon sa schliar abruptamain, sch’insatgi va a star en in auter lieu. El:las tractan differentas furmas da vischinadis, mettan en dumonda e contemplan da nov il fenomen dal pudair esser uschè da strusch in:a da l’aut:ra en il spazi e da tuttina gnanc enconuscher vicendaivlamain ils nums.
Cun giugar sin tribuna ed en il public rumpan el:las la distanza tranter il spazi da las aspectaturas e dals aspectaturs e la tribuna. Tranter il currim hectic ed ils moviments calms sco gruppa sa furma in spazi colurà, en il qual nus dastgain ans sentir spazialmain uschè da strusch da las acturas e dals acturs, sco da las figuras, da las qualas el:las raquintan. Adina accumpagnada da musica live cumenza ina truscha da mument a mument cun l’invit da sa scuntrar pli conscientamain: en il corridor, en il pastrign u era sin via.