Theater Nomaden 2016 - 2020

L'atun 2015 han ins mess ad ir il blog da festival ed il chat da WhatsApp «Theater Nomaden». Quai che ha cumenzà sco plattafurmas digitalas per sa barattar e sa confruntar cun temas relevants dal saut e dal teater, è sa sviluppà il 2017 ad in format d'intermediaziun. Giuvenils interessads al saut ed al teater da tut la Svizra pudevan s'annunziar mintg'onn per la gruppa «Theater Nomaden». Integrads en il festival fanfaluca duevan els represchentar la vusch da lur generaziun. Ils «Theater Nomaden» che derivavan da differents chantuns s'inscuntravan pliras giadas l'onn per guardar cuminaivlamain diversas producziuns e per discutar quellas. Els avevan la funcziun d'ambassaduras e d'ambassadurs ed encuraschavan giuvens ensembles da saut e da teater da far part da lur rait. Els recumandavan producziuns a la giuria e gidavan quella a moda consultativa.
Il 2021 n'è betg mo sa midada la publicaziun «classica» cun la valitaziun suandanta, mabain la giuria è era s'unida cun ils «Theater Nomaden» a la «gruppa da program». La gruppa da program sa constituescha tant da giuvenils sco era da teatristas e da teatrists e da sautunzas e sautunzs professiunals. Quel concept persequitesch'ins fin oz.