Il fanfaluca vegn planisà, coordinà e realisà dal team. Il team definescha la cumparsa generala ed – ensemen cun la gruppa da program – l’orientaziun dal cuntegn dal festival. Manaders da workshop, tecnicistas e tecnicists sco er ulteriuras collavuraturas e collavuraturs libers cumpletteschan il team durant il festival.
Dapi il 2020/21 lavura Petra Fischer sco dramaturga per il public giuven dal Teater da Cuira. Ella è activa en Svizra ed en Germania sco dramaturga, pedagoga da teater, docenta e curatura libra. Las basas ha ella mess cun il studi da scienzas da teater a Leipzig, l'activitad al Theater Junge Generation Dresden, al Grips Theater Berlin, al Theater an der Sihl Turitg ed al Junges Schauspielhaus a Turitg, sco commembra da la giuria dal Theatertreffen der Jugend e dal Deutscher Kinder- und Jugendtheaterpreis, a chaschun da divers festivals, e.a.
Ella è suprastanta da l'ASSITEJ Schweiz / Suisse / Svizzera / Svizra, dal Theater Stadelhofen a Turitg e dal Zirkusquartier a Turitg.
Patricia Bianchi da Turitg è manadra da producziun, curatura ed intermediatura d'art. Dapi il 2021 è ella manadra da fatschenta dal Festival fanfaluca. Ultra da quai lavura ella en la scena libra da saut e da teater sco manadra da producziun per differentas cumpagnias e projects. A Turitg è ella er activa en il team da cussegliaziun dad artFaQ, ina plattafurma da producziun per la scena libra. Il 2021 è Patricia Bianchi vegnida undrada da la citad da Turitg cun il premi da cultura per sia lavur sco manadra da producziun. A l'Universitad da Berna ha ella absolvì il master en istorgia d'art ed a l'Universitad da Constanza (DE) il bachelor en scienzas da litteratura, d'art e da medias.
Natania Prezant lavura sco dramaturga en differentas constellaziuns, tranter auter per il 'collectif barbare' (Aarau), ils 'raucous babies' (Turitg) ed il festival 'Le Castrum' (Yverdon-les-Bains). Suenter avair absolvì il bachelor en relaziuns internaziunalas a l'Universitad da Genevra ha ella terminà l'enviern 2021 il master en dramaturgia a la Scola auta turitgaisa dals arts. Dapi sia uffanza è ella da chattar sin e davos las tribunas da teater. Durant il studi ha ella manà la truppa da teater da lingua englaisa 'Emmet' da l'Universitad da Genevra. Ella emprenda e lavura en trais linguas: englais, tudestg e franzos.
Amélie Zimmermann lavura dapi il 2021 en differents secturs dal teater. En il Theater Basel, il Schauspielhaus Zürich, il Theater Neumarkt ed en il Deutsches Theater Berlin ha ella ospità ed assistì. Ella fa era surtitels e gioga dapi dus onns en il Spielclub Baden. Ella fa part da la gruppa da program da fanfaluca 10. Il settember 2023 cumenza ella ses studi da pedagogia da teater a la Scola auta turitgaisa dals arts.
Matteo Baldi ha studegià schurnalissem e communicaziun a la Scola auta turitgaisa per scienzas applitgadas ZHAW. Pli tard ha el fatg in bachelor en Creative Writing a l'Institut svizzer da litteratura a Bienna. El lavura sco autur, scriva prosa e texts scenics, è tecnicist da tribuna occasiunal e qua e là schurnalist e communicatur.
Nik Friedli, naschì il 1982, creschì si a Teufenthal (Argovia), è designer da glisch e scenograf independent e viva cun sia famiglia ad Aarau. El ha fatg la scolaziun da tecnicist dal tun (SAE, School Of Audio Engineering) a Turitg. Dal 2007 fin il
2018 ha el lavurà l'emprim sco tecnicist da teater e lura sco manader tecnic al Teater
Tuchlaube. Dal 2013 fin il 2017 è el ultra da quai stà scenograf e co-manader dal teater giuven Junge Marie. Dapi plirs onns è el responsabel per la scenografia e la concepziun da glisch e tun da diversas gruppas libras ed è manader tecnic dals festivals «cirqu'» e «fanfaluca». L'onn 2021 è el vegnì undrà da l'Aargauer Kuratorium cun ina contribuziun a l'ovra.
Ina gruppa da program che sa cumpona da tuttina blers giuvenils sco sautunz:as e teatrist:as professiunal:as tscherna las producziuns e las gruppas e decida davart il program dal festival. Il focus metta ella sin projects cun ina perspectiva giuvenila. La finamira da la gruppa da program è ultra da quai d'avair al festival ina diversitad uschè gronda sco pussaivel d'instituziuns, da regiuns linguisticas e da giuvenils.
La gruppa da program 2023
En la gruppa da program per il 10avel «fanfaluca» vegnan umans a cumpilar differentas vegliadetgnas ed experientschas en chaussas da saut e da teater che han en general lur passiun per l’artist. Persunas che lavuran professiunalmain en saut ed en teaters accumpognan la lavur da gruppa da program. La gruppa da program vegn ad examinar formats ed activitads actualas en la scena svizra da teater per giuvenils ed envidar ad Aarau.
Petra Fischer, Turitg
Manadra artistica fanfaluca
Pablo Conca, Berna
Scolar, sautunz
Amanda Lucia dos Reis, Basilea
Studenta, BA art figurativ HGK Basel
Anna Gluenz, Turitg
Studenta, germanistica ed istorgia d’art, UZH, actura
Emma Monachesi, Schaffusa
Praticanta intermediara, actura
Silvan Müller, Berna
Student, scienza da teater, UniBe, actur
Sofia Trommsdorf, Turitg
Studenta, germanistica, UZH
Amélie Zimmermann, Argovia
Studenta, scienzia da litteratura, UZH, actura
Il festival vegn purtà da l'uniun «Inscunter dal teater per la giuventetgna», fundada il 2014. La finamira da l'uniun è da promover il saut ed il teater da la giuventetgna, surtut cun organisar e realisar il festival annual «fanfaluca». Quel vivifitgescha la citad dad Aarau mintg'onn cun gruppas da saut e da teater da tut las regiuns linguisticas da la Svizra.
Suprastanza
Gunhild Hamer – manadra dal post spezialisà per l'intermediaziun da cultura dal chantun d'Argovia
Ella ha prendì l'iniziativa per metter en pe il Festival fanfaluca ed è restada fin oz fidaivla ad el sco presidenta.
Beat Knaus – scolast da tudestg e teater, Neue Kantonsschule Aarau
El è stà da la partida davent da l'entschatta ed ha gia occupà bunamain tut las rollas. Sco commember e manader da la cumissiun da tscherna, sco suprastant e reschissur – forsa bainprest era sco cuschinier?
Stephan Laur – autur e reschissur
El maina projects da teater e da film participativs cun giuvenils en situaziuns da vita particularas; el è intgantà da crear ensemen cun auters tocs da teater che commovan il public ed al animeschan da reflectar.
Nadine Meiler– managera da cultura e d'events
Da giuvna è ella stada sezza sin tribuna, oz percunter schonglescha ella pli gugent cun las cifras dal festival.
Christian Seiler – actur e reschissur
El emprova da sustegnair il meglier pussaivel il Festival da teater per la giuventetgna fanfaluca en il rom dal spazi accordà da la suprastanza.
acta postala
Jugend Theater Festival Schweiz
Postfach
5000 Aarau
Per dumondas da medias
presse@fanfaluca.ch
Per infurmaziuns e dumondas generalas
info@fanfaluca.ch