Preschentaziun finala Lavuratori davart il futur
Lingua:
---
Durada:
60 Minutas
lieu d’occurrenza:
Alte Reithalle, Aarau
A chaschun da la 10avla ediziun dal festival vali la paina da dar in'egliada en il futur: Co pudess e duess il festival sa sviluppar ils proxims 10 onns?
La suprastanza da l'uniun "Inscunter dals teaters da giuvenils svizzers" ed il team actual dal festival fanfaluca han gia avant in temp cumenzà a far patratgs davart l'avegnir dal festival. Ussa vegnan las participantas ed ils participants ed ils giasts a pled. Er els duain pudair sa participar al svilup dal festival.
Co pudain nus rinforzar il caracter naziunal dal festival fanfaluca?
Tge impuls dat il festival fanfaluca als arts scenics dals giuvenils?
Tge structuras e partenadis vulain nus sviluppar vinavant?
L'idea è da svegliar la creativitad da mintga singul:a per pussibilitar era patratgs utopics che sa basan sin differentas experientschas ed aspectativas.
Per dar impuls e documentar l'occurrenza è vegnida engaschada la Geheime Dramaturgische Gesellschaft (GDG).
Questa reuniun d'artist:as giuv:nas iniziescha discussiuns davart represchentaziuns, davart il teater sco gener e davart las cundiziuns e structuras necessarias per producir e preschentar art (scenic). Far part dal barat e da las discussiuns pon tut las participantas ed ils participants: tant artist:as ed aspectatur:as sco era giuvenils e creschids. Il 2023 è la GDG vegnida distinguida cun il premi da l'ASSITEJ Germania.
Pitschens impuls sin l'entir areal dal festival, sairadas patgificas en in'abitaziun en il center da la citad ed inscunters publics envidan da discutar davart ils suandants temas: "la plurilinguitad ed il caracter naziunal dal festival", "professiunalisaziun", "scola" e "la participaziun dals giuvenils".
Rundas da discussiun
ma, 12-09, 17.00 fin las 18.00 davart il tema "fanfaluca e la plurilinguitad"
me, 13-09, 15.00 fin las 16.30 davart il tema "fanfaluca e la scola"
gie, 14-09, 15.00 fin las 16.30 davart il tema "fanfaluca e la participaziun dals giuvenils"
ve, 15-09, 13.30 fin las 15.00 davart il tema "fanfaluca e la professiunalisaziun"
Preschentaziuns quotidianas
me, 13-09, gie, 14-09, ve, 15-09, mintgamai da las 17.30 fin las 18.00
Sairadas patgificas
me, 13-09, a partir da las 20.45
ve, 15-09, a partir da las 20.30
lieu: abitaziun en il center da la citad dad Aarau
Preschentaziun finala
so, 16-9, 17.30 fin las 18.30