Celles qui restent veulent encore danser La Troupe, Théâtre du Jura, Delémont
Lingua:
franzos
Durada:
70 Minutas
lieu d’occurrenza:
Alte Reithalle, Aarau
Il toc explorescha las basas da la democrazia. L'autur è vegnì inspirà d'ina anecdota: Raphaëlle, che aveva da quel temp tschintg u sis onns e gieva en la scola da Gatineau a Québec, ha proponì curt avant Pasca al cussegl da las scolaras e dals scolars da votar, schebain il directur da la scola duaja sa vestgir sco lieur. La proposta è vegnida approvada. Il directur ha però refusà quai ed ha fatg vegnir la mamma da Raphaëlle en scola per dar ad ella ina lecziun da democrazia.
A partir dal mument che las scolaras ed ils scolars han transfurmà per votaziun democratica lur manader da scola en ina lieur da Pasca, èn els independents da la pussanza dals creschids. Els sezs han la pussanza e la ston administrar senza ils creschids. Els experimenteschan cun quest sistem politic per inventar in «pajais mundial» senza plantas ardentas e sang.
L'idea da la democrazia è nobla, ma ella n'è betg adina simpla da realisar, uschia ch'i dat magari svilups smesiraivels che sforzan baininqual da sa retrair.
La gruppa
Dapi 40 onns datti en tut las scolas dal chantun Giura il rom instrucziun da teater. Troupe du Théâtre du Jura permetta ad ellas da cuntinuar cun quest engaschi ed envida anteriur:as scolar:as d’elavurar entaifer in onn in’atgna producziun cun accumpagnament professiunal. Uschia pon las giuvnas teatristas ed ils giuvens teatrists cuntinuar cun lur furmaziun d’art represchentativ era suenter la fin da scola.
La Troupe è ina purschida da l’intermediaziun da cultura dal Théâtre du Jura.
Credits
- Autur e reschia Camille Rebetez
- Assistent da reschia NoémieBaudet
- Reschia Julien Froidevaux
Ensemble
Lise Gerdat, Mya Jecker, Alessandro Mangia, Marine Lauper, Xavier Cuenat, Matilda Stifanelli, Othilie Dubail, Noa Blaser, Laura Carnal, Lana Comte, Charlotte Zurcher, Louna Seuret
