Junge bleib am Boden Collektiv InQdrt, AG
Lingua:
senza
Durada:
12 Minutas
lieu d’occurrenza:
Alte Reithalle, Aarau
Cun in cub da stangas da metal ch'è dus meters aut exploreschan ils sautunzs e traceurs l'instabilitad, l'inquietezza e las oscillaziuns dal cosmos e sa fatschentan cun il sfratg primar e la gravitaziun che han purtà moviment en l'univers.
Il saut dinamic è in gieu interactiv tranter sensualitad ed explosivadad. Muments cun aut tempo sa barattan cun muments da trair il flad. Ils performers sa movan en il ritmus d'ina cumposiziun originala dal musicist berlinais Giacomo Mattogno che ha producì la musica per tut las represchentaziuns dal collectiv InQdrt.
La gruppa
Il collectiv InQdrt dad Aarau che cumbinescha saut e parcours è ina colliaziun da traceurs e sautunzas. Els partan ina passiun per il moviment creativ ed atletic. Il collectiv exista dapi il 2018 e sa cumpona da la sautunza e coreografa Isabelle Spescha, da la dramaturga e sautunza Rebecca Frey e d’ina gruppa d’umens giuvens, tuts traceurs dal team da parcours «Nurf» dad Aarau. Ensemen giogan els cun l’interfatscha tranter ils dus munds da moviment e creeschan performances cun in focus sin il desideri uman d’explorar cun l’agen moviment l’ambient, objects e l’agen corp. Cun colliar il saut ed il parcours experimenteschan ed intermedieschan els live performances e lavuratoris sco era las pussaivladads da s’exprimer creativas che sa resultan da quels. La gruppa InQdrt construescha sezza cubs e quaders da stangas da metal ch’ella dovra en maniera multifara sco elements da tribuna, obstachels da parcours e partenaris da saut.
Credits
- Coreografia Isabelle Spescha
- Dramaturgia Rebecca Frey
Saut
Nicolas Roth, Damian Roth, Shemaiah Siegenthaler, Flamur Shabanaj, Mikail Tasdelen
Promovì tra
Stiftung Lebensraum Aargau, Tanzfest Aarau
